Bonnus, Hermann – Christi Versöhnungs-Tod (Ach wy armen Sünders)

Ach wy armen Sünders! Unse Missedadt,
Dar wy in entfangen und gebaren synt,
Hefft gebracht uns alle In fülcke grothe Nodt,
Dath wy underworpen synt Dem ewigen Dodt.
Kyrieleison, Christeleison, Kyrieleison.

Uth dem Dodt wy konnden Dorch unse egen Werk
Nimmer werden gereddet; De Sünde was tho stark,
Dat wy, wörden erlöset. So kondt‘ nicht anders syn,
Denn Gades Son möste lyden. Des Dodes bitter Pyn.
Kyrieleison rc.

So nicht weer‘ gekamen Christus in de Welt
Und an sick genamen Unse arme Gestalt,
Und vor unse Sünde Gestorven willichlick:
So hedde wy möthen wesen (d. i. seyn) Verdömet ewichlick.
Kyrieleison rc.

Sülcke grothe Gnade Und vederlicke Gunst
Hefft uns Gott ertöget (d. i. erzeiget) Lutter ummesunst
In Christo synem Sdne, De sick gegeven hefft
In den Dodt des Krüzes Tho unser Salicheit. –
Kyrieleison rc.

Des schile wy uns trösten Yegen Sünd und Dodt,
Und ock nicht vorzogen Vor der Hellen Glodt;
Went (d. i. Denn) wy synt gereddet Uth aller Färlicheit
Dorch Christum unsen Heren, Benedyet in Ewicheit.
Kyrieleison rc.

Darümme wille wy laven Und danken alle Tydt
Dem Vader und dem Sone Und ock dem hilligen Geist,
Und bidden, dat se willen Behöden uns vor Quadt, (d. i. Uebel)
Und dat wy stedes bliven By synem hilligen Wordt.
Kyrieleison rc.