Tech, Nikolaus – Allein Gott in der Höh‘ sei Ehr (Niederdeutsch).

Tech, Nikolaus – Allein Gott in der Höh‘ sei Ehr (Niederdeutsch).

1526

Alleyne Godt yn der hoege sy eere
Und danck vor syne gnade,
Darumme dat nu und vort nicht meer
Uns roeren mach eyn1) schade.
Eyn wolgevallent Godt an uns hath;
Nu is groth vrede aen underlaeth,
Alle veyde nu hefft ein ende.

Wy laven, prysen, anbeden dy,
Vor dyne ere wy dy dancken,
Dath du, Godt vader, ewichlyck
Regerest aen alle wancken.
Gantz ungemeten ist dyne macht,
Vort geschuth, wat dyn wylle hefft gedacht.
Wol uns des fynen heren.

O Jesu Christ, sone eyngebaren
Dynes hemmelschen vaders,
Vorsöner der, de weren vorlaren,
Du styller unses haders,
Lam Gades, hillige here und groeth2),
Nym an de bede van unser noeth,
Vorbarme dy unser. Amen.

O hillige geist, du groeteste guth,
Du alder heilsammeste troister,
Vor duvels gewalt vortan behuth,
De JEsus Christus vorloesede
Dorch grote marter und bitteren doth;
Affwende alle unsen iamer und noeth;
Dar tho wy uns vorlaten.

Mützell – Geistliche Lieder der evangelischen Kirche aus dem sechszehnten Jahrhundert
—-

1) 1534: nen
2) 1534: vnde Gott

Kommentare sind geschlossen.